Խումբ 10

1.

Մեքենան վարելու ընթացքում վարորդը հանկարծակի սկսում է գանգատվել կրծքավանդակի ճնշող ուժեղ ցավերից և շնչառության դժվարացումից: Ի՞նչ է պետք անել:

A

Առաջարկել նրան գնալ մոտակա հիվանդանոց:

B

Տալ մի բաժակ ջուր, 2 հաբ վալերիանա:

C

Անմիջապես կանգնեցնել մեքենան և միացնել վթարային ազդանշանը:

D

Խորհուրդ տալ նրան մի փոքր քայլել ու մաքուր օդ շնչել:

2.

Ի՞նչ օգնություն է պետք ցուցաբերել տուժածին ցնցումային նոպայի դեպքում:

A

Բռնել տուժածին՝ փորձելով զսպել ցնցումները:

B

Փորձել բացել բերանը, բռնել լեզուն և որևէ առարկա դնել ատամների միջև:

C

Փորձել բացել շնչուղիները՝ տուժածի գլուխը ետ տանելով:

D

Ձեռք չտալ, թողնել, որ ցնցումներն ավարտվեն:

3.

Ի՞նչ պետք է անել այրվածքի դեպքում օգնություն ցուցաբերելիս:

A

Թողնել այրվածքը բաց:

B

Բացել հեղուկով լցված բշտերը, ապա ամուր վիրակապել:

C

Ձեթ քսել այրվածքի վրա:

D

Սառեցնել այրվածքը ջրով, ապա ծածկել ստերիլ վիրակապական նյութերով կամ մաքուր գործվածքներով:

4.

Վթարի հետևանքով հետիոտն ընկել է և վնասել ձեռքը: Նախաբազկի վրա կա մեծ վերք (մոտ 5 սմ երկարությամբ), որից միալար մուգ գույնի արյուն է հոսում: Ի՞նչ է պետք անել արյունահոսությունը դադարեցնելու նպատակով:

A

Լվանալ վերքը ջրով:

B

Բարձրացնել տուժածի ձեռքը և տեղադրել ճնշող վիրակապ:

C

Վերքին յոդի սպիրտային լուծույթ քսել:

5.

Վերջույթների փափուկ հյուսվածքների փակ վնասվածքների դեպքում առաջին ժամերին օգնություն ցուցաբերելիս պետք է.

A

Վնասվածքին տաքացնող թրջոց դնել:

B

Վնասված մասի վրա սառը թրջոց դնել և բարձրացնել:

C

Վնասված մասի վրա սառը թրջոց դնել և պահել սրտի մակարդակից ցածր:

D

Վնասվածքին սպիրտային թրջոց դնել:

6.

Վարորդը կքանստած երկար ժամանակ փոխում էր ավտոմեքենայի անիվը: Կտրուկ վեր կենալով՝ նա բռնում է գլուխը և հանկարծ կորցնելով գիտակցությունը, ընկնում: Ի՞նչ է պետք անել:

A

Փորձել նստեցնել նրան:

B

Բարձրացնել նրա ոտքերը:

C

Երեսին սառը ջուր լցնել:

D

Ապտակել երեսին:

7.

Ի՞նչ է պետք անել, եթե հնարավոր չէ ապահովել դեպքի վայրի անվտանգությունը:

A

Բոլորին օգնություն ցուցաբերել, բայց զգույշ լինել:

B

Օգնություն ցուցաբերել այն տուժածին, որն ավելի մոտ է գտնվում ձեզ:

C

Չմոտենալ, անմիջապես ահազանգել և չթողնել կողմնակի մարդկանց մոտենալ դեպքի վայր:

D

Չմոտենալ, խնդրել մեկ ուրիշին օգնություն ցույց տալ:

8.

Դուք տեսնում եք ընկած մարդու և նկատում նրա սրունքից դուրս ցցված ոսկորը և արյուն: Եթե դեպքի վայրն անվտանգ է, ի՞նչ պետք է անել առաջին հերթին:

A

Ահազանգել շտապ օգնություն:

B

Ստուգել գիտակցությունը և շնչառությունը:

C

Անշարժացնել ոտքը:

9.

Երբ տուժածը ունի վերջույթի բաց կոտրվածք, ապա օգնություն ցուցաբերելիս անհրաժեշտ է.

A

Անմիջապես բարձրացնել տուժածի վերջույթը:

B

Ստերիլ անձեռոցիկով ծածկել վերքը և անշարժացնել վնասված վերջույթը:

C

Ուղղակի ճնշմամբ դադարեցնել արյունահոսությունը:

D

Տեղադրել սառը թրջոցներ վերքին:

10.

Կրծքավանդակի վնասվածքի դեպքում պետք է.

A

Պառկեցնել տուժածին հորիզոնական դիրքով:

B

Նստեցնել՝ հենելով վնասված կողմի վրա:

C

Նստեցնել՝ հենելով առողջ կողմի վրա:

11.

Գլխի վնասվածքի դեպքում տուժածին օգնություն ցուցաբերելիս պետք է.

A

Պառկեցնել նրան ոտքերը բարձրացնելով:

B

Պառկեցնել նրան գլուխն ու իրանը բարձրացնելով ապահովել կիսապառկած դիրք:

C

Պառկեցնել նրան հորիզոնական դիրքով:

12.

Ավտովթարի ժամանակ հետևյալ տուժածներից որի՞ն օգնություն կցուցաբերեք առաջին հերթին:

A

Վախեցած հղի կին:

B

Քերծվածքներով երեխա:

C

Բազկի կոտրվածքով տղամարդ:

D

Անգիտակից տղամարդ:

13.

Քթից արյունահոսության դեպքում տուժածին օգնություն ցուցաբերելիս պետք է.

A

Տուժածի գլուխը հետ տանել:

B

Տուժածի գլուխը կախ գցել և սեղմել քթի վերին հատվածը:

C

Տուժածի քթի մեջ բամբակի տամպոն դնել:

D

Թողնել, որ արյունահոսի և ինքնուրույն դադարի:

14.

Տուժածի որովայնի վրա բաց վնասվածքից օրգանների արտընկման դեպքում պետք է.

A

Լվանալ և զգուշորեն փորձել տեղը մտցնել արտընկած օրգանները:

B

Արտընկած օրգանները ծածկել մաքուր խոնավ գործվածքով և պոլիէթիլենային թաղանթով:

C

Կտրել արտընկած օրգանները և վերքը վիրակապել:

D

Ձեռք չտալ, այդ վիճակում տեղափոխել հիվանդանոց:

15.

Անգիտակից վիճակում գտնվող և շնչառություն ունեցող տուժածին պետք է.

A

Պառկեցնել մեջքի վրա:

B

Բացել բերանը և դուրս քաշել լեզուն:

C

Շրջել կողքի և գլուխը հետ տանել:

16.

Ուժեղ արյունահոսության դեպքում պետք է.

A

Միայն վիրակապով ծածկել վերքը:

B

Ճնշումով վիրակապել վնասված մասը և ճնշում գործադրել զարկերակի սեղման կետի վրա:

C

Մոխիր լցնել վերքի մեջ:

17.

Ավտովթարի դեպքում առաջին հերթին պետք է.

A

Տուժածին բերել հարմար դիրքի:

B

Զննել դեպքի վայրը և ապահովել անվտանգությունը:

C

Ստուգել տուժածի մոտ ուժեղ արյունահոսությունների առկայությունը:

D

Տեղափոխել տուժածին մեքենայից

18.

Եթե տուժածի վերքի մեջ օտար մարմին կա, ապա օգնություն ցուցաբերելիս պետք է.

A

Հեռացնել օտար մարմինը վերքից:

B

Թողնել վնասված մասն արյունահոսի:

C

Ապահովել օտար մարմնի անշարժ վիճակը:

D

Սպիրտով մշակել վերքի տարածքը:

19.

Հանգիստ վիճակում չափահաս մարդու անոթազարկը կազմում է.

A

40-60 զարկ մեկ րոպեում:

B

60-80 զարկ մեկ րոպեում:

C

80-100 զարկ մեկ րոպեում:

20.

Հանգիստ վիճակում չափահաս մարդու շնչառությունը կազմում է.

A

12-18 շնչառական շարժում մեկ րոպեում:

B

20-30 շնչառական շարժում մեկ րոպեում:

C

40-60 շնչառական շարժում մեկ րոպեում:

21.

Վթարի դեպքում ավտոմեքենայից տուժածին պետք է տեղափոխել, եթե.

A

Տուժածն ունի լուրջ վնասվածքներ:

B

Դեպքի վայրը վտանգավոր է, օրինակ՝ պայթյունի վտանգ կա:

C

Մեքենայի վրա ընկած է հոսանքի հաղորդալար:

22.

Որովայնային ներքին արյունահոսության կասկածի դեպքում օգնություն ցուցաբերելիս պետք է.

A

Պառկեցնել տուժածին և վնասվածքին սառը թրջոց տեղադրել:

B

Որովայնին տաք ջեռակ տեղադրել:

C

Որովայնին ճնշող վիրակապ տեղադրել:

D

Տուժածին մեծ քանակով հեղուկ տալ խմելու:

23.

Դուք հարևանի ավտոտնակից լսում եք մեքենայի շարժիչի ձայնը և, բացելով դուռը, տեսնում եք գետին ընկած հարևանին: Ի՞նչ է պետք անել առաջին հերթին:

A

Լայն բացել դռները և անջատել շարժիչը, հնարավորության դեպքում տեղափոխել տուժածին դեպքի վայրից:

B

Մանրակրկիտ զննել տուժածի մարմինը՝ վնասվածքներ հայտնաբերելու համար:

C

Բերել տուժածին կողքի ապահովության դիրքի:

D

Օգնել տուժածին ընդունել կիսանստած դիրք:

24.

Անգիտակից վիճակում գտնվող տուժածին հայտնաբերելուց հետո առաջին հերթին պետք է.

A

Խմեցնել նրան սառը ջուր:

B

Բերել նրան կողքի ապահովության դիրքի:

C

Պահպանել մարմնի նորմալ ջերմաստիճանը:

D

Բացել շնչուղիները և ստուգել շնչառությունը:

25.

Վերջույթներում արյան շրջանառությունը ստուգելու համար վիրակապից ներքև սեղմում և բաց եք թողնում տուժածի վնասված վերջույթի եղունգը: Դուք որոշում եք, որ արյան շրջանառությունը վերջույթում խանգարված է, եթե.

A

Տուժածը ցավ է զգում:

B

Տուժածն անհանգստություն է զգում:

C

Սեղմելիս եղունգը դժվարությամբ է սպիտակում:

D

Եղունգը դժվարությամբ է կրկին վարդագույն դառնում:

26.

Շաքարախտով հիվանդ ձեր ընկերն իրեն վատառողջ է զգում և չի հիշում, թե վերջին անգամ երբ է ինսուլին ընդունել: Ի՞նչ է պետք անել այդ դեպքում առաջին հերթին:

A

Տալ նրան շաքար կամ քաղցր հեղուկ:

B

Առաջարկել նրան մի քանի ժամ հանգստանալ:

C

Խորհուրդ տալ ներարկել ինսուլին

27.

Առավել վտանգավոր արյունահոսության նշան է, եթե.

A

Արյունը 10 րոպեի ընթացքում մակարդվում է:

B

Արյունը շիթով բխում է վերքից:

C

Արյունը մուգ կարմիր գույնի է:

D

Արյունը միալար հոսում է վերքից:

28.

Մեքենան բախվել է սյանը և էլեկտրական հաղորդալարն ընկած է մեքենայի կողքն անգիտակից վիճակում պառկած տուժածի վրա: Օգնություն ցուցաբերելիս առաջին հերթին պետք է.

A

Հեռացնել տուժածին հոսանքի աղբյուրից:

B

Կատարել առաջնային զննում:

C

Հեռացնել հաղորդալարը տուժածի վրայից որևէ մեկուսիչ առարկայով:

D

Փնտրել մարմնի վրա հոսանքի մուտքի և ելքի տեղերը (այրվածքները):

29.

Առաջին օգնություն ցուցաբերելիս վարակումից պաշտպանվելու համար պետք է.

A

Խուսափել վերքին անմիջապես դիպչելուց և օգնություն ցուցաբերել միայն ստերիլ ձեռնոցներով:

B

Չօգնել այն տուժածներին, որոնք ունեն արյունահոսություն:

30.

Բրոնխիալ ասթմայով տուժածին նոպայի դեպքում պետք է.

A

Օգնել ընդունել կիսանստած դիրք:

B

Պառկեցնել և բարձրացնել ոտքերը:

C

Պառկեցնել՝ ոտքերը ծնկային հոդերում ծալած:

D

Պառկեցնել գլուխը բարձր դիրքով:

31.

Որովայնի վնասվածքով տուժածին պետք է.

A

Պառկեցնել գլուխը բարձր դիրքով:

B

Պառկեցնել և բարձրացնել ոտքերը:

C

Պառկեցնել՝ ոտքերը ծնկային հոդերում ծալած:

32.

Ուշագնացության դեպքում տուժածին պետք է.

A

Օգնել ընդունել կիսանստած դիրք:

B

Պառկեցնել և բարձրացնել ոտքերը:

C

Պառկեցնել՝ ոտքերը ծնկային հոդերում ծալած:

D

Պառկեցնել գլուխը բարձր դիրքով:

33.

Ցածր թափքով մեքենայի և չափահաս հետիոտնի, որի հասակը կազմում է 1 մ 55 սմ և ավելի, բախման դեպքում, նրա մոտ առավել հավանական վնասվածքներն են.

A

Ստորին վերջույթի և գլխի վնասվածք:

B

Կոնքի և կրծքավանդակի վնասվածք:

34.

Ցածր թափքով մեքենայի և 3-5 տարեկան երեխայի բախման դեպքում, նրա մոտ առավել հավանական վնասվածքներն են.

A

Ստորին վերջույթի և գլխի վնասվածք:

B

Կոնքի և կրծքավանդակի վնասվածք:

35.

Եթե հաղորդալարն ընկած է մեքենայի վրա, ապա պետք է.

A

Օգնել մեքենայում գտնվող անձանց շտապ դուրս գալ մեքենայից:

B

Մեքենայում գտնվող անձանց խնդրել մնալ մեքենայի մեջ մինչև էլեկտրական հոսանքը չանջատեն:

36.

Քիչ վտանգավոր վերքերի մշակման ժամանակ պետք է.

A

Լվանալ վերքը օճառով և մաքուր ջրով, այնուհետև վիրակապել:

B

Մշակել վերքը սպիրտային հիմքով նյութերով (յոդ, օղի, օծանելիք և այլն):

37.

Վտանգավոր վերքերի մշակման ժամանակ պետք է.

A

Լվանալ վերքը օճառով և մաքուր ջրով:

B

Մշակել վերքը սպիրտային հիմքով նյութերով (յոդ, օղի, օծանելիք և այլն):

C

Դադարեցնել արյունահոսությունը և վիրակապել վերքը:

38.

Վթարի դեպքում շտապօգնության կանչի համար ի՞նչ տեղեկատվություն պետք է տրամադրվի օպերատորին.

A

Նշել վթարի վայրին ամենամոտ գտնվող կողմնորոշիչը: Հաղորդել տուժածների թիվը, նշել նրանց սեռը և տարիքը.

B

Նշել վթարի վայրին ամենամոտ գտնվող փողոցը և տան համարը: Տեղեկացնել, թե ով է տուժել վթարի հետևանքով (հետիոտն, մեքենայի վարորդ կամ ուղևոր) և նկարագրել ստացված վնասվածքները:

C

Նշել վթարի վայրը (փողոցը, տան համարը և դեպքի վայրին ամենամոտ կողմնորոշիչները): Տեղեկացնել տուժածների թիվը, նրանց սեռը, մոտավոր տարիքը, գիտակցության, շնչառության, արյան շրջանառության, ինչպես նաև ուժեղ արյունահոսության, կոտրվածքների և այլ վնասվածքների առկայության մասին: Սպասել մինչև օպերատորը նշի, որ կանչն ընդունված է:

39.

Ի՞նչ օպտիմալ դիրք պետք է տրվի գիտակցությունը պահպանված տուժածին` ողնաշարի վնասվածքի կասկածի դեպքում։

A

Տուժածին պառկեցնել կողքի:

B

Տուժածին պառկեցնել մեջքի վրա` կոշտ, հարթ մակերեսի վրա, առանց անհրաժեշտության չտեղաշարժել, դիրքը չփոխել:

C

Տուժածին պառկեցնել մեջքի վրա, պարանոցի տակ տեղադրել շորերից պատրաստված գլանակ և բարձրացնել ոտքերը:

40.

Ինչպե՞ս իրականացնել առաջին օգնությունը ցրտահարության և գերսառեցման դեպքում։

A

Մարմնի ախտահարված հատվածները շփել ձյունով կամ բրդյա կտորով, ապա տաքացնել, տալ ալկոհոլային խմիչք, տեղափոխել տաք տարածք:

B

Տաքացնել մարմնի ախտահարված հատվածները և անշարժացնել դրանք, տուժածին ծածկել տաք շորերով կամ ծածկոցով, տալ տաք ըմպելիք, տեղափոխել տաք տարածք:

C

Մարմնի ախտահարված հատվածները քսուքով պատել, տաքացնող կոմպրես և ջեռակ դնել, տեղափոխել տաք տարածք, տալ տաք ըմպելիք:

41.

Ինչպիսի՞ առաջին օգնություն պետք է ցուցաբերել գլխի մազածածկ մասի վերքի առկայությամբ գանգուղեղային վնասվածքի դեպքում:

A

Դադարեցնել արյունահոսությունը վերքի վրա ուղղակի ճնշման միջոցով, վերքի վրա դնել սեղմող վիրակապ: Գիտակցության կորստի դեպքում տուժածին տալ կայուն կողքի շրջված դիրք: Հնարավորության դեպքում գլխի վնասվածքի շրջանում սառը դնել:

B

Անշարժացնել ողնաշարի պարանոցային հատվածը` օգտագործելով ինքնաշեն շինա (օձիք): վերքի վրա դնել ստերիլ բամբակե խծուծ, տուժածին պառկեցնել մեջքի վրա` ոտքերը բարձրացրած դիրքում: Հնարավորության դեպքում գլխին սառը դնել:

C

Արգելվում է պարանոցային շինա դնել: Անհրաժեշտ է վերքը ծածկել բժշկական կպչուն սպեղանիով, տուժածին պառկեցնել կողքի վրա:

42.

Գիտակցության կորստի ժամանակ` շնչառության և արյան շրջանառության առկայության դեպքում, առաջին օգնություն ցուցաբերելու նպատակով ի՞նչ դիրքով պառկեցնել տուժածին:

A

Մեջքի վրա` գլխի տակ դնելով գլանակ։

B

Մեջքի վրա` ոտքերը տարածած վիճակում։

C

Տուժածին տալ կայուն կողքի շրջված դիրք այնպես, որ ծալված ծնկները հպվեն գետնին, իսկ վերևում գտնվող ձեռքը գտնվի այտի տակ:

43.

Որքա՞ն ժամանակ կարող է կապված մնալ արյունահոսությունը դադարեցնող լարանը:

A

Տաք եղանակին ոչ ավելի, քան կես ժամ, իսկ ցուրտ եղանակին` ոչ ավելի, քան մեկ ժամ։

B

Տաք եղանակին ոչ ավելի, քան 1 ժամ, իսկ ցուրտ եղանակին` ոչ ավելի, քան կես ժամ։

C

Լարանի կապված մնալու ժամանակը սահմանափակ չէ։

44.

Ինչպե՞ս որոշել գիտակցությունը կորցրած տուժածի մոտ շնչառության առկայությունը:

A

Բռնել տուժածի կզակից, հետ թեքել գլուխը և հետևել կրծքավանդակի շարժմանը 10 վայրկյան տևողությամբ:

B

Մի ձեռքը դնել տուժածի ճակատին, մյուս ձեռքի երկու մատով կզակը բարձրացնելով և գլուխը հետ թեքելով անհրաժեշտ է 10 վայրկյան տևողությամբ հետևել շնչառությանը, փորձելով արտաշնչած օդը զգալ Ձեր այտին և հետևել կրծքավանդակի շարժմանը։

C

Առանց տուժածի գլուխը թեքելու, անհրաժեշտ է խոնարհվել նրա դեմքին և 10 վայրկյան տևողությամբ հետևել նրա շնչառությունը, փորձելով արտաշնչած օդը զգալ Ձեր այտին և հետևել կրծքավանդակի շարժմանը:

45.

Որո՞նք են խոշոր զարկերակից արյունահոսության նշանները և ինչի՞ց է սկսվում առաջին օգնությունը խոշոր զարկերակային արյունահոսության ժամանակ:

A

Վերքից դանդաղորեն դուրս է հոսում մուգ գույնի արյուն: Վերքի վրա դրվում է սեղմող վիրակապ, որի վրա գրառում կա վերքի վրա պահելու ժամանակի վերաբերյալ:

B

Վերքից վառ կարմիր գույնի արյուն է հոսում` ուժեղ ցայտելով, ընդհատվող շիթով կամ շատրվանի նման: Վնասված զարկերակն անհրաժեշտ է սեղմել մատներով, այնուհետև վերքից վերև, որքան հնարավոր է վերքին մոտ դրվում է արյունահոսությունը կանգնեցնող լարան, որի վրա գրառում կա պահելու ժամանակի վերաբերյալ:

C

Արյունը դանդաղորեն դուրս է հոսում վերքից: Վնասվածքից ցած դրվում է արյունահոսությունը կանգնեցնող լարան, որի վրա գրառում կա պահելու ժամանակի վերաբերյալ։

46.

Արդյո՞ք թույլատրվում է տուժածին դեղեր տալ առաջին բուժօգնություն ցուցաբերելու ժամանակ:

A

Թույլատրվում է:

B

Թույլատրվում է ծայրահեղ անհրաժեշտության դեպքում:

C

Արգելվում է:

47.

Ինչպե՞ս դադարեցնել արյունահոսությունը երակների և ոչ խոշոր զարկերակների վնասվածքի դեպքում:

A

Դնել ճնշող վիրակապ վնասվածքի տեղում:

B

Վերքից վերև հատվածում ճնշող վիրակապ դնել:

C

Վերքից ներքև հատվածում ճնշող վիրակապ դնել:

48.

Որո՞նք են առաջին բուժօգնության նախնական քայլերը` վթարի հետևանքով առաջացած վնասվածքների դեպքում:

A

Վերքը լվանալ ջրով, վերքից հեռացնել օտար մարմինները, վերքի վրա դնել ստերիլ բամբակ` ամրացնելով բինտային վիրակապով:

B

Հագնել բժշկական ձեռնոցներ, վերքը մաքրել յոդի ալկոհոլային լուծույթով, դեղաքսուք դնել և ծածկել կպչուն սպեղանիով:

C

Հագնել բժշկական ձեռնոցներ, վերքն առանց մաքրելու ծածկել ստերիլ թանզիֆե անձեռոցիկով` եզրերին ամրացնելով կպչուն սպեղանի կամ բինտով վիրակապել:

49.

Ինչպե՞ս է առաջին օգնություն իրականացվում վերջույթների կոտրվածքների դեպքում, եթե չկան շինաներ և այն պատրաստելու համար ձեռքի տակ եղած միջոցներ։

A

Վերին վերջույթը` իրանի երկայնքով տարածած, կապվում է իրանին: Ստորին վերջույթները կապվում են միմյանց՝ փափուկ կտոր դնելով դրանց միջև:

B

Վերին վերջույթը` արմնկային հոդում ծալված, գլխաշորի վրա հենած`կապվում է իրանին: Ստորին վերջույթները կապվում են միմյանց` փափուկ կտոր դնելով դրանց միջև:

C

Վերին վերջույթը, արմնկային հոդում ծալված, գլխաշորի վրա հենած`կապվում է իրանին: Ստորին վերջույթները կապվում են միմյանց։

50.

Ո՞ր դեպքերում պետք է տուժածը դուրս հանվի ավտոմեքենայի խցիկից։

A

Ավտոմեքենայի շրջվելու, բռնկվելու, պայթյունի մեծ հավանականության կամ տուժածի գիտակցության կորստի դեպքում:

B

Ավտոմեքենայի շրջվելու, բռնկվելու, պայթյունի մեծ հավանականության կամ տուժածի գերսառեցման, գիտակցության և շնչառության կորստի դեպքում, ինչպես նաև անմիջականորեն խցիկում առաջին օգնություն ցուցաբերելու անհնարինության դեպքում:

C

Ավտոմեքենայի շրջվելու, բռնկվելու, պայթյունի մեծ հավանականության դեպքում կամ տուժածի մոտ ծանր արյունահոսության, գանգուղեղային վնասվածքի առկայության դեպքում։

51.

Ո՞րն է առաջին օգնությունը մակերեսային ջերմային այրվածքի (մաշկի կարմրություն, այտուցվածություն, այրվածքի տեղում թափանցիկ հեղուկով լցված բշտիկների առաջացում, ուժեղ ցավ) ժամանակ:

A

Այրված մակերեսի վրա սառը ջուր լցնել, ծածկել ստերիլ անձեռոցիկով և ամուր վիրակապել:

B

Բացել բշտիկները, մաքրել այրվածքի մակերեսը հագուստի մնացորդներից, ծածկել ստերիլ անձեռոցիկով (չվիրակապել), հնարավորության դեպքում սառը դնել, և տուժածին ջուր խմեցնել։

C

20 րոպե տևողությամբ այրվածքի մակերեսը սառեցնել ջրով: Առանց բշտիկները բացելու և հագուստի մնացորդները հեռացնելու այրվածքի մակերեսը ծածկել ստերիլ անձեռոցիկով (չվիրակապել), հնարավորության դեպքում սառը դնել և տուժածին ջուր խմեցնել: